September 25, 2020

ዓለም ላይ በአንድ ቀን ብቻ 284 ሺህ 196 ሰዎች በኮሮና ቫይረስ ተይዘዋል

July 25, 10:42 am | @FANA


በአንድ ቀን ብቻ 284 ሺህ 196 ሰዎች በቫይረሱ መያዛቸውን የዓለም ጤና ድርጅት አስታውቋል፡፡ ከዚህ ውስጥ አሜሪካ፣ ብራዚል እና ደቡብ አፍሪካ ከፍተኛውን ቁጥር ይይዛሉም ነው የተባለው፡፡ በቫይረሱ ከተያዙ ሰዎች ባለፈም በቫይረሱ በአንድ ቀን ብዛት ያላቸው ሰዎች ለህልፈት ተዳርገዋልም ብሏል፡፡ ካለፈው የፈረንጆቹ ሚያዚያ 30 ወዲህም 9 ሺህ 753 ሰዎች በ24 ሰአታት ውስጥ ለህልፈት ተዳርገዋል ተብሏል፡፡ ከዚህ ቀደም በአንድ ቀን በቫይረሱ የተያዙና ከፍተኛ ቁጥር ያላቸው ሰዎች የተመዘገቡት ከሳምንት በፊት ነበር፡፡ በወቅቱ 259 ሺህ 848 ሰዎች በቫይረሱ ሲያዙ 5 ሺህ አካባቢ ሰዎች በአንድ ቀን ለህልፈት መዳረጋቸው ይታወሳል፡፡ ምንጭ፣ አልጀዚራ