September 25, 2020

ደቡብ አፍሪካ ተከፍተው የነበሩትን የህዝብ ትምህርት ቤቶች ዳግም መዝጋትዋን ገለጸች

July 24, 3:24 pm | @huleAddis


የሀገሪቱ ፕሬዝዳንት ሲሪል ራማፎዛ በበኩላቸው በደቡብ አፍሪካ የኮሮና ቫይረስ ስርጭት እየጨመረ ባለበት ወቅት ትምህርት ቤቶች ለስርጭቱ መንስኤ እንዳይሆኑ ማረጋገጥ አስፈላጊ ነው ብለዋል ፡፡ እ.አ.አ ከሐምሌ 6/2020 ጀምሮ እድሜያቸው ከፍ ያሉ የመጀመሪያ ደረጃ ተማሪዎች ትምህርት ጀምረው እንደነበረም ተጠቅሷል፡፡ በሀገሪቱ የቫይረሱ ስርጭት እየጨመረ መምጣቱን ተከትሎ ባለድርሻ አካላትና ባለሙያዎች እንዲሁም የካቢኔ አባላት ለሚቀጥሉ አራት ሳምንታት ሁሉም ትምህርት ቤቶች ዝግ እንዲሆኑ መወሰናቸውን ፕሬዝዳንት ራማፎዛ ገልጸዋል፡፡ በወረርሽኙ በተፈጠሩ ችግሮች አመካኝነት አዲሱ የትምህርት ዘመን የሚጀመረው በተያዘው የፈረንጆቹ ዓመት መጨረሻ ላይ ሊሆን እንደሚችልም ራማፎዛ ጨምረው ገልፀዋል፡፡ በአገሪቱ እየተስፋፋ የመጣውን የኮሮና ቫይረስ ስርጭት ለመግታትና ቁጥሩን ለመቀነስ ሲባል ትምህርት ቤቶችን ዳግም ለመዝጋት መገደዳቸውን አስታውሰዋል ፡፡ ለጤና አገልግሎቶችና በከፍተኛ ችግር ላይ ለሚገኙት ድጋፍ የሚሆን 30 ቢሊዮን ዶላር መመደቡንም ፕሬዝዳንቱ ተናግረዋል፡፡ ኢዜአ