July 8, 2020

በኢትዮጵያ 1 ኪሎ ግራም ቡና በ13 ሺህ 838 ብር ተሸጠ

June 28, 4:54 pm | @FANA


የባለስልጣኑ ዋና ዳይሬክተር ዶክተር አዱኛ ደበላ ÷ በውድድሩ ያሸነፈው ቡና አንድ ኪሎ በ407 የአሜሪካን ዶላር ወይም በ13 ሺህ 838 ብር መሸጡን ተናግረዋል፡፡ ጨረታውን ያሸነፈው ‘ማሩያማ’ የተባለ የጃፓን ኩባንያ መሆኑን የገለፁት ዋና ዳይሬክተሩ÷ አሸናፊው በደቡብ ብሔር፣ ብሔረሰቦችና ህዝቦች ክልል ውስጥ ያሉት አርሶ አደር ንጉሴ ገመዳ መሆናቸውን ገልጸዋል፡፡፡ ጨረታው የተካሄደባቸው 28 ቡናዎች ደግሞ በአጠቃላይ 1 ሚሊዮን 348 ሺህ 690 ዶላር የተሸጡ ሲሆን ይህም በ’ካፕ ኦፍ ኤክሰለንስ’ የቡና ጨረታ ውድድር ታሪክ ከፍተኛው ሆኖ መመዝገቡን ጠቁመዋል። ዋና ዳይሬክተሩ አያይዘውም ”ውድድሩ ኢትዮጵያ የተለያየ የቡና ዝርያ ያላት አገር መሆኗን ለዓለም ለማሳየት መልካም አጋጣሚ ፈጥሯል” ነው ያሉት። ከዚያም ባለፈ ከ33 አገሮች የተውጣጡ 168 ቡና ገዢዎች አንደኛ የወጣውን ቡና ለመጫረት ፍላጎት ማሳየታቸውን አንስተዋል። ‘ኮፊ አት ኢንተለጀንሺያ’ የተባለው የአሜሪካ ኩባንያ ደግሞ ከሲዳማ በሁለተኛ ደረጃ ያሸነፈውን የሩማድሮ ቡና ኃላፊነቱ የተወሰነ የግል ማህበር ቡና በፓውንድ 108 ዶላር ወይም 3 ሺህ 672 ብር እንደገዛ ገልጸዋል። በሶስተኛ ደረጃ ከፍተኛ የጨረታ ዋጋ አግኝቶ ቡናውን የሸጠው ቴስቲ ንግድ ኃላፊነቱ የተወሰነ የግል ማህበር ሲሆን በፓውንድ 66 ነጥብ 6 ዶላር ወይም 2 ሺህ 264 ብር መሆኑም ተጠቁሟል፡፡ ምርቱን የገዛው ደግሞ ብላክ ጎልድ ኮፊ የተሰኘ የታይዋን ኩባንያ ሲሆን÷ ጨረታ የተካሄደባቸው 28 ቡናዎች ደግሞ በአማካይ በፓውንድ 28 ዶላር ተሽጠዋል፡፡ እነዚህ 28 ቡናዎች ደግሞ በአጠቃላይ 1 ሚሊዮን 348 ሺህ 690 ዶላር የተሸጡ ሲሆን ይህም በካፕ ኦፍ ኤክሰለንስ የቡና ጨረታ ውድድር ታሪክ የመጀመሪያው ነው ተብሎ ተመዝግቧል፡፡ በ’ካፕ ኦፍ ኤክሰለንስ’ የቡና ጨረታ ውድድር ታሪክ ከዚህ ቀደም ከፍተኛ ሽያጭ ተብሎ የተመዘገበው የኤልሳልቫዶር ሲሆን 830 ሺህ 245 ዶላር መሆኑን ኢዜአ ዘግቧል ።