September 28, 2020

የጡት፣ የሳምባ ፣ የአንጀትና እና የፕሮስቴት ካንሰር በሳምንት ውስጥ በአግባቡ ሊፈወሱ የሚችሉበት የጨረር ሕክምና ስልት ተገኘ

June 21, 2:59 pm | @EBC


ከዚህ ቀደም የካንሰር ሕሙማን ለከፍተኛ ጨረር በመጋለጣቸው የተነሣ ሕይወታቸው ምስቅልቅል ውስጥ ይገባ ነበር። ሕሙማኑ የዕለት ተዕለት መደበኛ ሕይወታቸውን በሚጎዳ መልኩ ለስድስት ሳምንታት በየዕለቱ ሳያቋርጡ የጨረር ሕክምና መከታተል እንዲሁ ግድ ይላቸው ነበር። አሁን ላይ በቴክኖሎጂው መራቀቅ እና የቴክኒክ ብቃት ማደግ ጋር ተያይዞ የነበረው ሒደት ታሪክ ሊሆን ተቃርቧል ይላል አዲሱ የጥናት ግኝት ። የዩናይትድ ኪንግደም ሐኪሞች ባለፉት ሁለት አሥርት ዓመታት ባደረጉት ጥናት ለአጭር ጊዜያት ከፍተኛ ጨረር ለሕሙማኑ በመስጠት የተወሰኑ የካንሰር ሕመሞችን በተሳካ ሁኔታ ለማጥፋት የሚያስችል መሆኑን አረጋግጠዋል። በአገሪቱ ውስጥ የሚገኙ ብሔራዊ ጤና አገልግሎት ክሊኒኮች በዓለም አቀፍ ደረጃ በተከሰተው የኮቪድ-19 ወረርሽኝ ወቅት የካንሰር ሕሙማን ሕክምና የበለጠ ስኬታማ እንዲሆን ለማስቻል አዲስ የወጡትን አሠራሮች ተግባራዊ ማድረግ መጀመራቸው ተገልጿል። የተደረጉት ሙከራዎች እጅግ የበዛ ጨረር ካልተሰጠ በስተቀር ደህንነታቸው የተጠበቀ እና የጎንዮሽ ጉዳት የሌላቸው መሆኑ በተደጋጋሚ አሳይተዋል። በዚህም በዩናይትድ ኪንግደም የሚገኙ በርካታ የጡት፣ የአንጀት፣ የፕሮስቴት እና የሳምባ ካንሰር ሕሙማን አጭር ጊዜ የሚፈጅ እና ተስማሚ የጨረር ሕክምና እያገኙ መሆኑ ተጠቅሷል። የሮያል ኮሌጅ የጨረር ሕክምና እና የሳንባ ካንሰር መከላከል፣ ምርመራ እና ሕክምና አማካሪ ዶ/ር ጃኔቲ ዲክሰን ‘ሕሙማን የተሻለ ሕክምና ይሻሉ’ ሲሉ መናገራቸውን ዴይሊ ሜይል ዘግቧል።