September 25, 2020

ኢንተርኔትን መሰረት ያደረገ የትራንስፖርት ክፍያ አገልግሎት ተጀመረ

June 19, 5:49 pm | @EBC


በዛሬው እለትም በመናሀሪያዎች አካላዊ ርቀትን ለማስጠበቅ ከሚሰሩ ስራዎች መካከል ተጠቃሚዎች ትኬት ለመቁረጥ በሚያደርጉት እንቅስቃሴ የሚፈጠር አካላዊ ጥግግት ለመቀነስ የሚረዳ ኢንተርኔትን መሰረት ያደረገ የትራንስፖርት ክፍያ አገልግሎት በይፋ መጀመሩ የትራንስፖርት ሚኒስቴረ ገልጿል፡፡ የትራንስፖርት ሚኒስትር ወይዘሮ ዳግማዊት ሞገስ አገልግሎቱ በይፋ መጀመሩን ሲያበስሩ ኢንተርኔትን መሰረት ያደረገ የትራንስፖርት ክፍያ ስርዓት ወረርሽኙን ከመከላለከል ጎን ለጎን ዘርፍን በቴክኖሎጂ አስደግፎ በመምራት እና የተጠቃሚውን የጊዜ፣ የጉልበትና የገንዘብ ወጪ በመቀነስ ረገድ ከፍተኛ ሚና እንደሚኖረው ገልጸዋል፡፡ የአገልግሎት ስርዓት አሰጣጡ ተጓዞች ወደ መናሀሪያ መምጣት ሳያስፈልጋቸው ተንቀሳቃሽ ስልካቸውን ብቻ በመጠቀም ባሉበት ሆነው ትኬት መቁረጥ የሚያስችል እንደሆነ መገለጹ ከትራንስፖርት ሚኒስቴር ያገኘነው መረጃ ያመለክታል፡፡