September 28, 2020

ለሰራተኞቻችሁ በአግባቡ ደመወዝ የማትከፍሉ ተቋማት ከድርጊታችሁ እንድትቆጠቡ ሲል የአዲስ አበባ ሰራተኛና ማህበራዊ ጉዳይ ቢሮ አሳሰበ፡፡

June 15, 2:22 pm | @Sheger FM


የቢሮው ምክትል ሀላፊ አቶ ተክሌ ደርሳ ለሸገር እንደነገሩት በአስቸኳይ ጊዜ አዋጅ ቁጥር 3/2012 መሰረት የሰራተኛን ውል ማቋረጥም ሆነ ደመወዝ መከልከል አይቻልም፡፡ በመሆኑም እንዲህ ዓይነቱ ችግር የገጠማቸው ዜጎች ወደ ቢሯችን ቢመጡ መፍትሄ ያገኛሉ ብለዋል፡፡ ሸገር በተለይም ከአንዳንድ የግል ትምህርት ቤቶች የሚያስተምሩ መምህራን ተመሳሳይ ቅሬታ ቀርቦለት ሀላፊውን ጠይቋል፡፡ ሀላፊው መምህራን ደመወዝ የሚከለከሉበት ምክንያት የለም ያሉ ሲሆን ቅሬታቸውን ከሰራተኛና ማህበራዊ ጉዳይ ቢሮ በተጨማሪ ለትምህርት ቢሮም እንዲያቀርቡ መክሯል፡፡ ከአስቸኳይ ጊዜ አዋጁ በተጨማሪ ትምህርት ሚኒስቴር የመምህራኑን መብት የሚያስከብር መመሪያ ማውጣቱን አስታውሷል፡፡