November 29, 2020

አትሌት ወንድወሰን ከተማ አበረታች መድኃኒት በመጠቀሙ የአራት ዓመት እግድ ተጣለበት


ጽ/ቤቱ ለኢዜአ በላከው መግለጫ አትሌት ወንድወሰን ከተማ ማሞ እ.አ.አ ታኅሣሥ 1/2019 በቻይና ሻንዚቢ ዓለም አቀፍ የግል ማራቶን ውድድር ላይ በስፖርት የተከለከለ አበረታች መድኃኒት (ዶፒንግ) መጠቀሙ በመረጋገጡ ለአራት ዓመታት የእግድ ቅጣት ተጥሎበታል ብሏል። አትሌቱ በማንኛውም አገር አቀፍ ይሁን ዓለም አቀፍ ውድድሮች ላይ እንዳይሳተፍ ነው ቅጣቱ የተጣለበት። በዚህ ውድድር ላይ ብቻ ያስመዘገበው ውጤትና ሽልማት እንዲሰረዝ ዉሳኔ መተላለፉን የፀረ አበረታች ቅመሞች ጽ/ቤት አስታውቋል። ጽሕፈት ቤቱ በመግለጫው አትሌቱ በግል በተሳተፈበት ውድድር ላይ ካዚኖኔ የተባለውን አበረታች መድኒት መጠቀሙ በመረጋገጡ ነው እገዳው የተጣለበት። በተጨማሪም ሁለት አትሌቶች በተለያዩ ዓለም አቀፍ ውድድሮች በግላቸው በተሳተፉባቸው ስፖርታዊ ውድድሮች ላይ የተከለከሉ አበረታች ቅመሞችን መጠቀማቸው ጥርጣሬ በመኖሩ ጉዳያቸው በመጣራት ላይ መሆኑን ተገልጿል። የሁለቱ አትሌቶች ዉሳኔው እንደተጠናቀቀም ቅጣቱንና ሥም ዝርዝራቸው ይፋ እንደሚሆነም ተጠቅሷል። ከኮሮና ወረርሽኝ ጋር በተያያዘ ስፖርታዊ ውድድሮች ለጊዜው ቢቋረጥም የስፖርት አበረታች ቅመሞች ክትትልና ቁጥጥር ተጠናክሮ የሚቀጥል መሆኑን አመልክቷል። በተለያየ መልኩ የሕግ ጥሰት በሚፈጽሙ አትሌቶች ጀርባ ሆነው ተሳታፊ በሚሆኑ ግለሰቦች ላይ የእርምት እርምጃ እንደሚወሰድም ተገልጿል። ስፖርተኞችም ራሳቸውን ከኮሮና ወረርሽኝና ከስፖርት አበረታች ቅመሞች እንዲጠብቁ ጽሕፈት ቤቱ ጥሪ አቅርቧል። ኢዜአ

A PHP Error was encountered

Severity: Core Warning

Message: Module 'sqlite3' already loaded

Filename: Unknown

Line Number: 0

Backtrace: