July 8, 2020

ደቡብ ኮሪያ ለኢትዮጵያ 16 ሺህ ቶን ሩዝ በእርዳታ ለገሰች

May 26, 1:16 pm | @huleAddis


አገሪቱ በዓለም የምግብ ድርጅት አማካኝነት 19 ሺህ ቶን ሩዝ ለየመን፣16 ሺህ ቶን ለኢትዮጵያ፣10 ሺህ ቶን ለኬንያ፣ 5 ሺህ ቶን ደግሞ ለኡጋንዳ ድጋፍ አድርጋለች። ደቡብ ኮሪያ እ.ኤ.አ. በ2018 እና 2019 ለአገራቱ 100 ሺህ ቶን የሩዝ ምርት ድጋፍ ያደረገች ሲሆን የአሁኑ እገዛ ለሶስተኛ ጊዜ የተደረገ መሆኑም ተገልጿል። እርዳታውን የጫኑት መርከቦች ባለፈው ሳምንት ከአገሪቱ መንቀሳቀሳቸውም በመረጃው ተጠቅሷል። የተላከው የሩዝ ምርት በአጠቃላይ በአውሮፓዊያኑ 2018 የምርት ዘመን የተሰበሰበ ሲሆን የማጓጓዝና የማከፋፈል ሃላፊነቱ በመንግስታቱ ድርጅት የምግብ ድርጅት ስር ነው ተብሏል። የእርዳታው ዋነኛ ግብ ዓለም አቀፍ የምግብ ዋስናን ለማረጋገጥና ሰብዓዊ ድጋፍ የሚያስፈልጋቸውን ወደ ኋላ የቀሩ አገራት ለመደገፍ መሆኑን ዮናፕ የተሰኘው መንግስታዊ መገናኛ ብዙሃን ዘግቧል። ኢዜአ