May 26, 2020

አስር የደቡብ ሱዳን ሚኒስትሮች በኮሮናቫይረስ ተያዙ

May 22, 12:09 pm | @BBC Amharic


የሃገሪቷ ማስታወቂያ ሚኒስትር ሚካኤል ማኩዌይ ለቢቢሲ እንደገለፁት ከጤና ሚኒስትሩ ውጭ በስተቀር ሁሉም የኮሮናቫይረስ መከላከያ ግብረ ኃይል አባላት በሙሉ በኮሮናቫይረስ ተይዘዋል። ሆኖም ፕሬዚዳንት ሳልቫ ኪር በኮሮናቫይረስ ተይዘዋል የሚለውን ሪፖርት አጣጥለውታል። የሃገሪቱ ምክትል ፕሬዚዳንት ሪክ ማቻርና ባለቤታቸው በኮሮናቫይረስ መያዛቸውን ያስታወቁ ሲሆን መከላከያ ሚኒስትሯም አንጀሊና ቴኒም በቫይረሱ ተይዘዋል። በቫይረሱ የተያዙት ሁሉም ሚኒስትሮች በለይቶ ማቆያ የሚገኙ ሲሆን በሙሉ ጤንነትም ላይ ይገኛሉ ተብሏል። ከዚህም በተጨማሪ የባለስልጣናቱ ጠባቂዎችና ሠራተኞችም በኮሮናቫይረስ ተይዘው በለይቶ ማቆያ ውስጥም ይገኛሉ።