May 26, 2020

ቻይና የ2020 የኢኮኖሚ ዕድገት ግብን እንደማታስቀምጥ አስታወቀች

May 22, 10:35 am | @FANA


የኮሮና ቫይረስ በኢኮኖሚ ላይ ካስከተለው ተፅእኖ ጋር በተያያዘ ቻይና ከፈረንጆቹ 1990 በኋላ ለመጀመሪያ ጊዜ አመታዊ አጠቃላይ የሃገር ውስጥ ምርት እድገት ግብ እንደማይኖራት አስታውቃለች። ይህ ይፋ የተደረገውም በሀገሪቱ አመታዊ የፓርላማ ስብሰባ መጀመሪያ ላይ ነው። የቻይናው ጠቅላይ ሚኒስትር ሊ ኬ ያንግም በኮቪድ-19 ወረርሽኝ ምክንያት በዓለም ምጣኔ ሃብትና የንግድ እንቅስቃሴ ላይ በተጋረጠው አደጋ ምክንያት አንዳንድ ጉዳዮች ላይ እርግጠኛ መሆን አይቻልም ብለዋል። የሃገሪቱ ኢኮኖሚያዊ እድገት ከአመት በፊት ከነበረው የመጀመሪያ ሩብ ዓመት አንጻር በ6 ነጥብ 8 በመቶ ቀንሷል። በቻይና እስካሁን 84 ሺህ79 ሰዎች በኮሮና ቫይረስ ሲያዙ 4 ሺህ 638 የሚሆኑት ደግሞ ለህልፈት ተዳርገዋል። ምንጭ፦ አልጀዚራ እና ቢቢሲ