July 8, 2020

በህገ መንግስት ትርጉም ጥያቄ ላይ የባለሙያዎችን ሃሳብ ለመስማት የተዘጋጀው መድረክ እየተካሄደ ነው

May 18, 4:46 pm | @FANA


መድረኩ ባለፈው ቅዳሜ የህገ መንግስት ጉዳዮች አጣሪ ጉባኤ የህገ መንግስት ትርጉምን በተመለከተ ያዘጋጀው የባለሙያዎች ሀሳብ መስጫ መድረክ ቀጣይ ክፍል ነው። በውይይቱ ላይ በባለሙያዎች የቀረቡ ጽሑፎች እየተመረመሩ መሆኑን የጠቅላይ ፍርድ ቤት ፕሬዚዳንትና የሕገ መንግሥት አጣሪ ጉባኤ ሰብሳቢ ወይዘሮ መዓዛ አሸናፊ ተናግረዋል። በመድረኩ ላይ ህገ መንግስቱ ሲረቀቅ የነበሩ ሰዎችን ጨምሮ ለጉዳዩ ቅርበት ያላቸው ምሁራን አስተያየታቸውን ይሰጣሉ። ከዚህ ባለፈም በሽግግር መንግሥት ወቅት በተለያዩ ሃላፊነት የሰሩ ባለሙያዎች እና የተለያዩ የህግ ባለሙያዎች ሃሳባቸውን ያቀርባሉ ተብሎ ይጠበቃል። የባለሙያዎቹ አስተያየት መስጫ መድረክ ጉባኤው ከህዝብ ተወካዮች ምክር ቤት በሕገ መንግስታዊ ጉዳዮች ላይ ለቀረበለት ጥያቄ የሚመለከታቸው ተቋማት እና ባለሙያዎች አስተያየት እንዲያቀርቡ ጥሪ ባደረገው መሰረት ነው እየተካሄደ ያለው