July 8, 2020

ለህገ መንግስት ትርጉም ጥያቄ በአጭር ጊዜ ምላሽ ለመስጠት እየተሰራ ነው- ወ/ሮ መእዛ አሸናፊ

May 14, 11:50 am | @FANA


የህዝብ ተወካዮች ምክር ቤት የኢትዮጵያ ብሔራዊ ምርጫ ቦርድ 6ኛውን ሀገራዊ ምርጫ ማከናወን አለመቻሉን ማስታወቁን ተከትሎ የህገ መንግስት ትርጓሜ እንዲሰጥበት ውሳኔ ማሳለፉ ይታወሳል። የህገ መንግስት ጉዳዮች አጣሪ ጉባዔ ሰብሳቢና የፌደራል ጠቅላይ ፍርድ ቤት ፕሬዚዳንት ወይዘሮ መእዛ አሸናፊ በሂደቱ ዙሪያ በዛሬው እለት መግለጫ ሰጥተዋል። ሰብሳቢዋ ወይዘሮ መአዛ በመግለጫቸው፥ የቀረበውን የህገ መንግስት ትርጉም ጥያቄ በአጭር ጊዜ ምላሽ ለመስጠት እየተሰራ መሆኑን ገልፀዋል። የህገ መንግስት ትርጉም ጥያቄ ዙሪያም አሁን ላይ በስራ ላይ ባሉ 10 የጉባኤው አባላት ስራ መጀመሩንም ተናግረዋል። ጉዳዩ የህገ መንግስት ትርጓሜ የሚያስፈልገው መሆኑ ይመረምራል ያሉት ወይዘሮ መአዛ፥ ትርጓሜ የሚሰጠው ጥያቄም ከሆነ የውሳኔ ሀሳብ ለፌደሬሽን ምክር ቤት ያቀረባል ብለዋል። በነገው እለትም ከህግ ባለሞያዎች ጋር ለህዝብ የሚተላለፍ ውይይት ይደረጋል ነው ያሉት።