July 8, 2020

ኡጋንዳ ልታካሂድ የነበረውን ምርጫ ልታራዝም ትችላለች

May 12, 11:12 am | @Walta


ፕሬዝዳንት ዩዌሪ ሙሴቪኒ የኮሮና ቫይረስ ወረርሽኝ ስጋት ባለበት በዚህ ወቅት አጠቃላይ ምርጫ ማካሄድ ‘እብደት’ ነው ብለዋል። ፕሬዝዳንቱ ኤን ቢኤስ ከተባለው ጣቢያ ጋር ባደረጉት ቃለ ምልልስ ወረርሽኙ እስከ መጪው ሰኔ ወር በቁጥጥር ስር የማይውል ከሆነ በቀጣይ ዓመት መጀመሪያ ሊካሄድ ታስቦ የነበረው ምርጫ እንደገና መታየት አለበት ብለዋል። በኡጋንዳ እስካሁን 122 ሰዎች በቫይረሱ መያዛቸው ተረጋግጧል። የሞተ ሰው ግን የለም። በመላው አገሪቱ ከፖለቲካ ጋር የተያያዘም ሆነ ማንኛውም ህዝባዊ ስብሰባ ማድረግ የተከለከለ ቢሆንም እየተወሰደ ያለው እርምጃ ግን ቫይረሱን ለመቆጣጠር በቂ አይደለም እየተባለ ይተቻል። በአጠቃላይ ምርጫው ፕሬዝዳንቱን ለመፎካከር 24 እጩዎች ተመዝግበዋል። የ38 ዓመቱ ሙዘቀኛና የፓርላማ አባል ቦቢ ዋይን ደግሞ ዋነኛ ተፎካካሪ እንደሚሆን ይጠበቃል ሲል ቢቢሲ ዘግቧል፡፡