July 8, 2020

ፖላንድ ፕሬዚዳንታዊ ምርጫ በፖስታ እንዲካሄድ ወሰነች በፖላንድ እየተራመደ ያለ ግለሰብ


ምርጫው በመጪው እሁድ ሊካሄድ እቅድ ተይዞለት የነበረ ቢሆንም በኮሮናቫይረስ ወረርሽኝ ስጋት እንዲራዘምም ተደርጓል። የሃገሪቱ ህገ መንግሥት እንዲህ አይነት ተፈጥሯዊ አደጋዎች በሚያጋጥሙበት ወቅት ምርጫን የማራዘም አንቀፅ ቢኖርም ገዢው ፓርቲ ግን በመጪው እሁድ ባይሆንም በቅርብ ጊዜ ምርጫው መካሄድ አለበት የሚል ፅኑ አቋም ላይ ደርሷል። ብዙዎችም ፕሬዚዳንት አንድሪዜጅ ዱዳ ምርጫው እንዲካሄድ የፈለጉበት ዋነኛው ምክንያት የወረርሽኙ ኢኮኖሚያዊ ጫና ከመመረጥ እክል ይሆንብኛል በሚል ፍራቻም ነው ተብሏል። በአውሮፓ ካሉ ሃገራት ጋር ሲነፃፀር በፖላንድ በቫይረሱ የተያዙ ሰዎች ቁጥር ዝቅተኛ ሲሆን፤ 14ሺህ 898 ሰዎች በቫይረሱ ተይዘዋል፤ 737 ግለሰቦችም ህይወታቸውን አጥተዋል። ሆኖም የሃገሪቱ ጤና ሚኒስትር በቫይረሱ የሚያዙ ሰዎች ቁጥር ሊጨምር እንደሚችል አስጠንቅቀዋል፤ ምርጫውም እንዲራዘም ብዙዎችም እየጠየቁ ነው። ትክክለኛውም የምርጫ ጊዜ ባይወሰንም የሃገሪቱ ምክትል ጠቅላይ ሚኒስትር በሚቀጥለው ወር እንደሚሆን ተናግረዋል። የፕሬዚዳንቱ የስልጣን ዘመን በነሐሴ ይጠናቀቃል።