July 8, 2020

የቤኒሻንጉል ጉሙዝ ብልጽግና ፓርቲ እና በክልሉ የሚገኙ ተፎካካሪ የፖለቲካ ፓርቲዎች በምርጫ መራዘም ዙሪያ መግባባት ላይ ደረሱ

May 7, 2:18 pm | @EBC


መግባባት ላይ የደረሱት ተፎካካሪ የፖለቲካ ፓርቲዎች የቤኒሻንጉል ጉሙዝ ብልጽግና ፓርቲ፣ የቤኒሻንጉል ሕዝብ ነፃነት ንቅናቄ ለሰላም እና ዴሞክራሲያዊ ድርጅት (ቤሕነን ሰዴድ)፣ የጉሙዝ ሕዝብ ዴሞክራሲያዊ ንቅናቄ (ጉሕዴን) እና የቦሮ ዴሞክራሲያዊ ፓርቲ (ቦዴፓ) ናቸው። የምርጫው መራዘም ትክክለኛ እርምጃ መሆኑ ላይ የተግባቡት ፓርቲዎቹ በቀረቡ የሕግ አማራጮችም ተስማምተዋል። ተፎካካሪ የፖለቲካ ፓርቲዎች ከቀረቡ የሕግ አማራጮች ውስጥ ‘የሕግ ትርጓሜ መጠበቅ’ ለምን ተመረጠ የሚለው ላይ ጥያቄ ያላቸው መሆኑን ያነሡ ቢሆንም፣ በቀጣይ በልማት፣ በሰላም እና ዴሞክራሲ ሥርዓት ግንባታ ሥራዎች በጋራ ለመሥራት መግባባት ላይ መድረሳቸውን የቤኒሻንጉል ጉሙዝ ክልል ብልጽግና ፓርቲ ጽ/ቤት ገልጿል። ምንጭ:-የቤኒሻንጉል ጉሙዝ ክልላዊ መንግሥት ኮሙዩኒኬሽን ጉዳዮች ጽ/ቤት