September 28, 2020

ዝነኞቹ የኢትዮጵያ አትሌቶች እነ ደራርቱ ቱሉ፣ ቀነኒሳ በቀለ፣ ጥሩነሽ ዲባባ፣ ስለሺ ስህን እና ሌሎችም በመላው ዓለም ያሉ በያሉበት ሊያስሮጧቹህ ነው ተባለ፡፡

April 29, 12:49 pm | @Sheger FM


በዚሁ ወረርሽኝ ስራቸውን ያጡ በዓለም ጭንቀት እና ሌላም ቀውስ የተፈጠረባቸው በሙሉ በኢንተርኔት የታገዘው ሩጫ ይረዳቸዋል ተብሏል፡፡ በኢንተርኔት የሚታገዘው የቨርቹዋል ሩጫ በአትሌት ደራርቱ ቱሉ፣ ቀነኒሳ በቀለ፣ ጥሩነሽ ዲባባ እና በሌሎችም አትሌቶች እንደሚመራ በዩናይትድ ስቴትስ፣ የዋሽንግተን ዲሲ አዘጋጁ ግራንድ አፍሪካ ራን ለሸገር ነግሯል፡፡ ይኸው ዝግጅት ግንቦት 8 እንደሚካሄድ ከአዘጋጆቹ ሰምተናል፡፡ በአውሮፓ የሚገኙ ኢትዮጵያውያን ከለመዱት የአኗኗር ዘይቤ በተለየ መልኩ ረዘም ላለ ጊዜ በቤት ለመቀመጥ በመገደዳቸው ይኸው መላ ያግዛል ተብሏል፡፡ በሀገር ውስጥ ሆነ በውጪው አለም ያሉ ወገኖች በተለይም ወረርሽኙ በበረታባት የአሜሪካ ምድር የኢትዮጵያ ቨርቹዋል ሩጫ እንደሚጠቅም አዘጋጆቹ ነግረውናል፡፡ ዝግጅቱ እነዚሁ አትሌቶች በያሉበት ሆነው በቪዲዮ ተራ በተራ እየሮጡና ዱብ ዱብ እያሉ ያሳያሉ ተብሏል፡፡ በተዘጋጀ ዙም በተሰኘ መተግበሪያ ላይ በቀጥታ በማህበራዊ ሚዲያ ከተሳታፊዎች ጋር እንደሚሮጥ አዘጋጆቹ ለሸገር ነግረዋል፡፡ ተሳታፊዎች በቤት ውስጥ ወይም በግቢ ውስጥ አልያም በመሮጫ ማሽን ከአትሌቶች ጋር ይሮጣሉ ተብሏል፡፡ ይህው ሁሉን ኢትዮጵያዊ በአለም የሚያሰባስብ የሩጫ ወይም የሶምሶማ ዝግጅት ተሳታፊዎች በስልካቸው በኮምፕዩተር ወይም ባመቸ ቴክኖሎጂ ተጠቅመው ዝግጀቱን መከታተል እንደሚችሉ አዘጋጆች ነግረውናል፡፡ (ተህቦ ንጉሤ)