September 28, 2020

ፌስቡክ በኢትዮጵያ የመረጃ እውነተኛነትን የሚያረጋግጥ ፕሮግራም ጀመርኩ አለ።

April 22, 5:36 pm | @Sheger FM


የማህበራዊ ትስስር ገፅ ፌስ ቡክ በኢትዮጵያ የመረጃ እውነተኛነትን ለማረጋገጥ የሚሰራው ፔሳ ቼክ ከተባለ ተቋም ጋር በመተባበር መሆኑን ከድርጅቱ የምስራቅ አፍሪካ ቢሮ ሰምተናል፡፡ ፔሳ ቼክ በፌስቡክ የሚለቀቁ ፅሁፎችን ፣ፎቶግራፎችን እና ቪዲዮዎችን እውነተኛነት በተቆጣጣሪዎቹ አማካይነት ይገመግማል ተብሏል፡፡ አንድ ጊዜ ፔሳ ፅሁፎችም ሆኑ ቪዲዮዎች ወይንም ፎቶ ግራፎቹ እውነት ሀሰትነት ካጣራ በኋላ እውነታውን በተዛማጅ መረጃ እንዲታወቅ ያደርጋል፤ ያን ጊዜ የገፁ አስተዳዳሪዎች ወይንም ተጠቃሚዎች ያዩታል ተብሏል፡፡ የተረጋገጠውንና የተፈተሸውን መረጃ በዚህ መልኩም የፌስ ቡክ ተጠቃሚዎች ስለሚያዩአቸው፣ስለ ሚያጋራቸው ወይንም ላይክ ስለሚያደርጓቸው መረጃዎች ትክክለኛት ማረጋገጥ ይችላሉ ተብሏል፡፡ በፌስ ቡክ የሀሰተኛ መረጃዎች መበራከት ሳቢያ ወደ ሶስተኛ ወገን የመረጃ ማጣራት ስራ እንዲገባ እንዳደረገው የድርጅቱ የህዝብ ፖሊሲ ዳይሬክተር መናገራቸው ሰምተናል። ፌስ ቡክ በኢትዮጵያ የመረጃ እውነተኛነት የሚያረጋግጥ ፕሮግራም መጀመሩ በአፍሪካ ከሰሀራ በታች ክፍል የፕሮግራሙ ተጠቃሚ ሀገሮች ብዛት 18 እንዳደረሰው ተናግሯል፡፡ ንጋቱ ሙሉ