March 31, 2020

የቶኪዮ 2020 ኦሎምፒክ በኮሮና ቫይረስ ወረርሽኝ የተነሣ ለአንድ ዓመት ተራዘመ

March 25, 7:27 am | @EBC


መረጃውን ለጋዜጠኞች ይፋ ያደረጉት የጃፓኑ ጠቅላይ ሚኒስትር ሺንዞ አቤ፣ ዓለም አቀፉ የኦሎፒክ ኮሚቴ በመራዘሙ መስማማቱን ገልጸዋል። “ጨዋታዎች ለአንድ ዓመት እንዲራዘሙ ያቀረብኩትን ሐሳብ ዓለም አቀፉ የኦሎምፒክ ኮሚቴ ፕሬዚዳንት ቶማስ ባች ሙሉ በሙሉ ተቀብለውታል” ብለዋል። የዘንድሮው የኦሎምፒክ ውድድር ከሐምሌ 24-ነሐሴ 09 ቀን 2020 መርሐ ግብር ተይዞለት እንደነበር በዘገባው ላይ ተመልክቷል። “የኦሎምፒክ ጨዋታ በጦርነት ምክንያት ተሰርዞ የሚያውቅ ቢሆንም፣ በታሪክ ውስጥ ሲራዘም ይህ ለመጀመሪያ ጊዜ ነው” ሲል የቢቢሲ ስፖርት ዜናዎች ዘጋቢ አሌክስ ካፕስቲክ ገልጿል። ጋዜጠኛ አሌክስ፣ “ጨዋታዎቹ ከአንድ ዓመት በኋላ እ.አ.አ 2021 ክረምት ላይ እንዲካሔዱ ዕቅድ ተይዟል። ነገር ግን ይህንን ለማሳካት ትልቅ የአቅርቦት ችግር ሊያጋጥም ይችላል። ጨዋታዎችን ወደ ሌላ ጊዜ ማስተላለፍ ከባድ ነው” ብሏል። ምንጭ:- ቢቢሲ