March 31, 2020

የኢፌዴሪ የውጭ ጉዳይ ሚኒስቴር በወቅታዊ ጉዳዮች የሰጠው ሳምንታዊ መግለጫ

February 14, 1:00 pm | @EBC


ኢትዮጵያ በኅብረቱ 33ኛው የመሪዎች ጉባኤ እና 36ኛው የውጭ ጉዳይ ሚኒስትሮች ስብሰባ ወቅት ለአፍሪካ ኅብረት የሰላም እና ፀጥታ ም/ቤት እና ለአፍሪካ ኅብረት የታዋቂ ሰዎች ፓነል እንዲሁም ለተመድ የሰብአዊ መብት ኮሚቴ እንዲሁም ለተመድ የሕፃናት መብት ኮሚቴ አፍሪካን በመወከል ልትመረጥ እንደቻለች ቃል አቀባዩ አብራርተዋል። አገራችን ከአፍሪካ ኅብረት ስብሰባ ጎን ለጎን የናይጄሪው ፕሬዝዳንት መሐሙድ ቡሀሪን፣ የኖርዌይ ጠቅላይ ሚኒስትር እንዲሁም የካናዳውን ጠቅላይ ሚኒስትር ጀስቲን ቱሩዶን ይፋዊ የሥራ ጉብኝት ማስተናገዷንና ከሌሎች አገሮችም ጋር የሁለትዮሽ ውይይቶች ማካሔዷን አቶ ነቢያት ገልጸዋል። ከዜጋ ተኮር ዲፕሎማሲ አንፃር ከታንዛንያ የተለያዩ እስር ቤቶች 128 እስረኞ ተፈተው በዛሬው ዕለት አገራቸው እንደሚገቡ እንዲሁም በቻይና የሚማሩ ኢትዮጵያውያን በኮሮና ቫይረስ እንዳይጠቁ አስፈላጊው ክትትል እየተደረገ እንደሆነ ተናግረዋል። ከዚህ ባሻገር የአሜሪካው የውጭ ጉዳይ ሚኒስትር ማይክ ፖምፔዮ ከየካቲት 09-11 ቀን 2012 ዓ.ም በአገራችን ጉብኝት እንደሚያደረጉ እና በቆይታቸውም ከኢፌዴሪ ፕሬዝዳንት፣ ከኢፌዴሪ ጠቅላይ ሚኒስትር፣ ከኢፌዴሪ የውጭ ጉዳይ ሚኒስትር እንዲሁም ከሌሎች አካላት ጋር ውይይት አንደሚያደርጉ መግለጻቸውን ከውጭ ጉዳይ ሚኒስቴር የተገኘው መረጃ ያመለክታል።