April 7, 2020

የኢትዮጵያ ብሔራዊ ምርጫ ቦርድ አዲስ አርማ ይፋ አደረገ

February 14, 11:59 am | @EBC


በኮንፈረንሱ የመንግሥት የሥራ ሓላፊዎች፣ የፖለቲካ ፓርቲ አመራሮች እና የሲቪክ ማኅበራት ተወካዮች ተገኝተዋል፡፡ ቦርዱ ኮንፈረንሱ ዘንድሮ የሚካሄደው አገራዊ ምርጫ በዝግጅት ምዕራፍ የተከናወኑ ተግባራት ለባለድርሻ አካላት ቀርበው ሐሳቦችን ለመሰብሰብ ታሳቢ ያደረገ ነው ሲል ገልጿል፡፡ የመንግሥት አካላት ሰላማዊ ምርጫ እንዲካሄድ ያላቸው ዝግጁነት፣ የፖለቲካ ፓርቲዎች በሓላፊነት መንፈስ ዘመናዊ ምርጫ እንዲካሄድ ያላቸው ተነሣሽነት እና የሲቪክ ማኅበራት የምርጫ ጉድለቶችንና ስኬቶችን ለይተው በማሳየት ነፃ እና ተአማኒነት ያለው ምርጫ እንዲካሄድ አስተዋጽኦ እንዲያደርጉ ይጠበቃል ተብሏል፡፡ በኮንፈረንሱ በሕግ ማዕቀፍ፣ በፖለቲካ ፓርቲዎች ተነሣሽነት፣ በሰላም እና ደህንነት ትኩረት ያደረጉ ውይይቶች እንደሚያደርግ ይጠበቃል፡፡ የኢትዮጵያ ብሔራዊ ምርጫ ቦርድም በኮንፈረንሱ ላይ አዲስ አርማ ይፋ አድርጓል፡፡ የሲዳማ ሕዝበ ውሳኔ እና ተሞክሮዎች የውይይቱ ርእስ ሲሆን፣ የ2012 የተከለሰ የምርጫ ሰሌዳ ይፋ ይሆናል ተብሏል፡፡ በቶማስ ኃይሉ